“Zuzkitzaileak 4.0” atalaren katalogo honetan ‘Industria 4.0‘-ra eta industria-enpresen eraldakuntza digitalera orientatutako zerbitzu teknologiko aurreratuak eskaintzen dituzten Arabako enpresen informazio eta harremanetarako datuak biltzen dira, zerbitzu horiek honako teknologia hauetan oinarrituta egonik: zibersegurtasun industriala, datuen analitika aurreratua (BigData), adimen artifiziala, sistema industrialen automatizazioa eta integrazioa, robotika, fabrikazio gehigarria, ikusmen artifiziala, edota errealitate birtuala eta handiagotua eta garatzeko bidean dauden beste teknologia batzuk.
Abas ERP sistemak 35 urte baino gehiago daramatza enpresa industrialei laguntza ematen eraldaketa digitalaren abantaila berrietara egokitu daitezen eta horiek aprobetxatu ditzaten. Honako alderdi hauei esker lortzen du hori: ETE industrialentzat egindako ERP aurreratua, zeinak ziklo industrial osoa hartzen baitu, aholkularitza-metodologia arina eta langileen eta kideen aparteko ezagutza. Gasteizeko bulegotik, Abas ERP enpresak iparraldeko eremu osoari zerbitzu ematen dio.
ABGAM-Segula Technologies ingeniaritza-zerbitzuak eta irtenbideak ematen dituen enpresa bat da. 600 profesional baino gehiago ditu eta hainbat negozio-esparru garatzen ditu, esaterako: PLM irtenbideen ezarpena, IT zerbitzuak eta diseinu-, kalkulu-, fabrikazio- eta prozesu-ingeniaritzak. Dassault Systèmes-en VAR (Value Added Reseller) bezala, adituak gara PLM irtenbideak ematen, CATIA, ENOVIA, DELMIA, 3DVia eta EXALEAD tresnak erabiliz (CAD/CAM/CAE/PDM merkatuko liderrak).
Airestudio Geoinformation Technologies hogei urte baino gehiagoko esperientzia daukan zerbitzuen ingeniaritza bat da. Datuak jaso, analizatu eta tratatzeko irtenbide malguak eta eskalagarriak eskaintzen ditu. Kalitate metrikoko eta zehaztasun handiko hiru dimentsioko informazioa sortzen dugu makineria, instalazio produktiboak edo azpiegiturak dokumentatzeko, alderantzizko ingeniaritza egiteko, aktiboak inbentariatzeko, kalitate-prozesuei laguntzeko, mantentze-lanen kontrola errazteko, instalazioak planifikatzeko, elementuak kalibratzeko, proiektu berrien diseinua babesteko, segurtasuna hobetzeko.... .Horretarako droneak, beso robotikoak, lurreko eskanerrak eta MMC erabiltzen ditugu.
Alboka Soft enpresa aditua da enpresa-kudeaketako irtenbideak diseinatu, eraiki, ezarri eta horien gaineko laguntza emateko lanetan. Espezialista da neurrira egindako softwarea eta web-aplikazioak garatzen eta ERP edo CRM delakoak ezartzen. Irtenbide informatikoak hornitzen eta ezartzen dituen enpresa garen aldetik, softwarerik onena izango duzu, mantentze-kosturik txikienarekin; izan ere, hornitzailearekiko loturarik gabeko soluzio errealak eta pertsonalizatuak emateko sortutako programak eskaintzen ditugu.
Alias Robotics enpresak robotentzako irtenbideak ematen ditu zibersegurtasunaren alorrean. Adimen artifizialaren eta machine learning-aren teknikarik berrienak erabiliz, zibersegurtasunaren ikuspuntu robotiko bat eskaintzen dugu.
Ekoizpenaren optimizazioan espezializatutako enpresa bat da Amber Innovation, eta 4.0 industriari lotutako teknikak baliatzen ditu: errealitate birtuala, datu-meatzaritza, agile industry delakoa eta abar.
Arabako Parke Teknologikoan ditugun bulegoetatik, Gasteiztik, euskal ehun industrialari gure esperientzia helarazi nahi diogu, irtenbide metodologikoen esparruan, software arloan eta prestakuntza-ekintzetan eskuratutakoa.
Análisis y Simulación izeneko enpresa 4.0 ingeniaritza bat da. Esperientzia handia dauka industriarako eta I+D+i egiteko teknologia digitalak ezartzeko lanetan. Horrez gain, fabrikazio gehigarrian, Big Data industrialean, PLM-n eta mantentze prediktiboan espezializatuta dago.
Argolabe Ingeniería enpresak ingeniaritzaren alorreko zerbitzu aurreratuak eskaintzen ditu produktuak diseinatzeko: diseinu kontzeptuala, 3D diseinua (CAD/CAM), kalkulu mekanikoak (CAE) eta industrializaziorako aholkularitza. Energiaren alorrean kontsumo elektriko industriala optimizatzeko zerbitzuak eskaintzen ditu. Horrez gain, eurek diseinatutako potentzia ertaineko (100 kW) haize-sorgailu bat merkaturatu dute, isolatutako instalazio elektrikoak autohornitzeko (fabrikak, araztegiak, ponpatze-estazioak, gatzgabetzeko estazioak, baserriak, upategiak, portuak, harrobiak, azpiegitura publikoak, konplexu turistikoak...).
Eduki birtual dibulgatzaileak eta hezitzaileak garatzen dituen startup bat da ARKIKUS.
Hasieran, gure jarduerak ikuspegi turistiko eta soziala izan du: adibidez, posible egin dugu interes historikoko tokietan iraganera bidaiatzea.
Eskaintzen ditugun irudikapen-sistemak hobetzeko etengabeko ikerlanari esker, userfriendly diren errealismo birtuala eta interakzio ereduak eskaintzen ditugu, luze eta zabal testatu ditugunak, baita sektore industrialean aplika daitezkeen irtenbideak ere.
Informazioaren eta komunikazioaren teknologia berrien sektorean jarduten da Asitec. Enpresa txiki eta ertainei zerbitzu informatikoak eta aholkularitza zerbitzuak eskaintzeko asmoz sortu zen. Gure helburua da kalitatezko irtenbideak eskaintzea, gure bezeroei euren negozio-prozesuak hobetzea ahalbidetzeko. Horretarako, esperientzia zabaleko lantalde profesional bat daukagu eskura, gure bezeroek planteatutako egoeretara iristeko prest dagoena.
Avaconek produkzio-prozesuak hobetzeko sistemak garatzen ditu, beira hutsaren industriarako ingeniaritzan espezialista izanik. Beiren sektorean espezializatutako estatu osoko ingeniaritza bakarra da. Produkzio-prozesuak kontrolatzea eta automatizatzea. Aholkularitza teknologikoa, ekoizpen-instalazioak zehazteko ingeniaritza, proiektua gauzatzea, abian jartzea, prestakuntza eta saldu osteko zerbitzua. Ekipo-ondasunak eta errendimendu handiko sistemak. I+G+b garapenak Prozesuen eta makinen berrikuntza.
BEGiak aplikazio mugikor batean oinarritutako zerbitzu bat eskaintzen du. Horren bidez, barruko espazioen irisgarritasun integrala hobetzen du ikusmen urria, orientazio arazoak, arazo kognitiboak eta bestelako arazoak dituzten pertsonentzat. Aplikazio horri esker, barruko eremuetan zehar ibil daitezke (ospitaleak, hotelak, supermerkatuak, biltzarrak...), baita musika eta kirol ekitaldietan ere. Horretarako, ikusmen artifiziala eta errealitate areagotua erabiltzen ditu.
Bereiker enpresak neurrira egindako automatizazio irtenbideak eskaintzen ditu. Espezialistak gara euste teknologian. Gure ibilbidean zehar, nagusiki honako arlo hauetan zentratu da gure jarduera: estanpazioa, mekanizatua eta kontrola, baita makina berezien garapena ere. Irtenbide guztiak neurrira diseinatzen ditugu. Bezeroaren ekoizpen-beharretara egokitzen gara, maila altuko automatizazio irtenbideak garatuz.
Bigda Solutions enpresak Big Data eta adimen artifizialeko teknologiak erabiltzen ditu prozesu produktiboak eta enpresetako energia-kontsumoak optimizatzeko.
BEMP (BigDa Energy Management Platform) izeneko plataforma garatu du enpresa eta industrien energia-kontsumoak monitorizatu, kontrolatu eta aurreikusteko.
Horrez gain, IoT-LoRaWAN teknologiaren bidez, enpresei laguntzen die euren energia-kontagailuak (ura, gasa eta elektrizitatea) eta enpresetako bestelako sentsoreak digitalizatzera, horrela, erabakiak denbora errealean hartu ahal izateko.
Bihatech-ek irtenbide teknologikoak garatzen eta ezartzen ditu 4.0 industria eta marketina bezalako sektoreetan. Horretarako, teknologia eta metodologia berrienak integratzen ditu, esaterako, errealitate birtuala, errealitate handitua, geolokalizazioa eta gamifikazioa.
BIM Surveyk obra zibiletara bideratutako topografiako eta bulego teknikoko zerbitzuak fusionatzen ditu, eta fusio hori B.I.M (Building Information Modeling) lankidetza-ingurune batean egiten du. Obra zibileko proiektuek izan ohi dituzten arazoak konpontzen ditugu, eta horien definizioak errealitatearekin eta proiektuaren beraren elementuekin bateratzen ditugu. Lan horren emaitza 3D eredu zehatz eta kontrolatu bat da, eta horrek proiektuaren planoak, kostuak eta neurketak modu erdi-automatikoan eskuratzea ahalbidetzen du.
Brave Corporation Gasteizen 2019an sortutako Adimen Artifizialeko enpresa bat da, ultrakonektatutako mundu honetan gizakia babesteko sistemak garatzen ditu. Euren produktu-portfolioan honakoak aurki ditzakegu: aurpegiaren errekonozimenduaren bidez adina egiaztatzeko irtenbide bat, horrela, adingabeak helduentzako zerbitzuetara eta edukietara sartzea ekiditeko; bullying-a, ziber bullying-a eta Interneteko bestelako arriskuak detektatzeko eta horren aurka babesteko sistema bat, eta poltsikoan eramateko ahots bidezko babes pertsonalerako laguntzaile bat, indarkeria- edo arrisku-egoeretan biktimak berehala sorosteko. Brave Corporationek identitatea eta sarbidea kontrolatzeko irtenbideetan liderra izan nahi du eta erreferentziazko marka izan nahi du zibersegurtasunean eta babes pertsonal adimendunean.
CreativiTIC Innova errealitate areagotuko, errealitate mistoko eta errealitate birtualeko teknologietan espezializatuta dago. Hezkuntza, Biotech, eHealth edota Industry 4.0 bezalako eremuetan konponbide berritzaileak eta sortzaileak eskaintzeko azken teknologiak aztertzen ditugu.
Custar SL informazioaren segurtasunean eta kudeaketan espezializatutako enpresa bat da, bai euskarri fisikoetan bai digitaletan. Halaber, ISO 27001:2013, ISO 9001:2015 eta ISO 14001:2015 ziurtagiriak ditu.
Besteak beste, honako zerbitzu hauek eskaintzen ditugu: aholkularitza dokumentala, kudeaketa, zaintza eta informazioa gordetzea paperean eta euskarri digitaletan. Dokumentuak digitalizatzeko irtenbiderik onenaren inguruko aholkuak ematen ditugu, eskaneatzeko prozesuan zehar indexatze-maila egokiak bermatuz. “Digitalizazio ziurtatua” izeneko zerbitzua eskaintzen dugu, Foru Ogasunen eta Zerga Administrazioko Estatu Agentziaren aurrean balioztatutako software batekin. Azkenik, isilpeko informazioa suntsitzen dugu, paperean (DIN 66399 araua betez) nahiz euskarri digitaletan (UNE-EN 15713 araua betez).
Industria-ingeniaritza globaleko zerbitzuak eskaintzen dituen enpresa bat da DACO Ingeniería (prozesu, sistema, mekanika eta produktu arloak) eta prozesu industrialen automatizazioan espezializatuta dago.
Data Value Management sektore guztietako enpresen digitalizazioan eta modernizazioan espezializatutako enpresa bat da. Horretarako, enpresak dituen datuak analizatu eta datu horien balioa ateratzen du.
Enpresak datuen inguruan eraberritzen laguntzen du Datu(a)-k, horrela, etorkizuneko enpresak sortzeko. Horretarako datuaren balorizazioaren kate osoa hartzen duten proiektuak egiten dituzte, honakoei helduz: aholkularitza-prozesuak, definizioa (zergatik, zertarako eta nola), martxan jartzea eta bezeroari laguntzea. Datu(a)-ren aktibo nagusia honako hau da: analitika aurreratuko eredu eta teknika aproposenak definitzea eta martxan jartzea datuen balioa ustiatzeko, hau da, bezeroen operatibak eta prozesuak ezagutzeko, segmentatzeko, sailkatzeko, antzemateko, aurreikusteko eta optimizatzeko. Hori guztia bezeroarekiko foku nagusia galdu gabe, eta datuen analitika negoziora zuzentzeko beharrari erantzunez. Ildo horretatik, Datu(a)-k hainbat sektoretako proiektuetan aplikatzen du bere ezagutza, besteak beste, finantza-sektorean, txikizkako merkataritzan, osasunean eta industrian. Datuen ustiapenean espezializatutako enpresa bat da Datu(a), eta Merkatu Smart Digital taldearen baitan dago.
Derten Sistemas enpresak zibersegurtasunaren alor guztietan bete-beteko irtenbideak ezartzen ditu. Horretarako, industriaren alorrean ingurune seguru eta fidagarriak sortzen dituzte. 4.0 industriari zuzendutako gure zibersegurtasun-zerbitzuek ondokoa dute oinarri: babesa (segurtasun perimetrala, sareen segmentazioa, komunikazio enkriptatua…), detekzioa (sareen eta zerbitzuan monitorizazioa, UTM kudeatutako zerbitzuak, erabiltzaileen kontzientziazioa, segurtasuneko auditoriak…) eta erantzuna (kontingentzia-planak, backup-ak eta berrezarpenak…)
Deusto Sistemas enpresak teknologia eta berrikuntza zerbitzuak eskaintzen ditu 2002. urteaz geroztik. Gure eginkizuna da 4.0 industriari lotutako lau arloren inguruan irtenbide zientifiko teknikoak ezartzea, zeinetan erreferente argi bat izan nahi dugun: indoor lokalizazioa, gauzen Internet (IoT), errealitate areagotua eta datu-meatzaritza. Gure lorpenen artean, nabarmentzekoak dira 4.0 industriari laguntza emateko testuinguru-sistema eta 4.0 industria mantentzeko sistema holografikoa.
Dorleten Segurtasun Integratuko instalazio batean planteatzen diren beharrizan guztiei erantzutea ahalbidetzen duten irtenbideak eskaintzen ditugu.
Horretarako, sistema aurreratuagoak diseinatzen eta fabrikatzen ditugu: irakurgailu eta kontrolagailuak bezalako eremu-ekipoak nahiz horiek integratzeko eta kudeatzeko beharrezkoak diren software plataformak. Horrela, segurtasun globaleko plataforma bat lortzen dugu.
eBlaaren irtenbideek industria-sektoreak bere eraldaketa digitala lortzeko gaur egun dituen beharrei erantzuten die. Prozesutik edo instalaziotik eratorritako datuak ustiatzen ditugu.
Software industrialeko plataforma modernoak, intuitiboak eta eraginkorrak garatzen ditugu. Automatizazio-industriako ezagutzarik onena errendimendu handiko informazio-teknologia abangoardistekin uztartzen dugu. Gure aplikazioak oso erraz instalatzen, mantentzen eta eskuratzen dira (edozein web-nabigatzaile erabil daiteke).
EGA Solutions Industria 4.0rako soluzio malgu eta pertsonalizatuak eskaintzen dituen ingeniaritza da. Tresna eta inbentarioak kudeatzeko sistemak garatzen ditugu RFID eta ikuspegi artifiziala erabiliz. Gainera, produkzio-lantegietan aktiboak geolokalizatzen ditugu analisiak eta prozesu optimizazioak egiteko. Oro har, teknologia desberdinak garatu eta integratzen ditugu, gure bezeroei doluzio hoberena emateko.
Electro Alavesa segurtasun integraleko enpresa bat da eta, ikusmen artifizialean oinarrituta, bideoak aztertzeko irtenbide aurreratuak eskaintzen ditu. Enpresako sistema informatikoan txertatutako kamerak oinarri hartuta, teknologia honek aukera ematen du zenbait kasu eta egoera oso konplexu programatzeko eta, aldi berean, antzemateko zein diren egoera normalak eta zeintzuk diren alarma-egoera aktibatu behar dutenak.
Segurtasunaz gain (sarbideen kontrola, gorputzeko tenperatura neurtzeko kamerak...), teknologia hori beste industria-eremu batzuetan ere aplikatzen dugu, besteak beste kalitate-kontrolean, prozesuen optimizazioan, trazabilitatean eta istripuen prebentzioan.
Encriptia informazioaren segurtasunean eta, bereziki, zibersegurtasunean espezializatutako aholkularitza bat da. ETEei zibersegurtasunaren arloko zerbitzuak hornitzen dizkiegu; enpresei euren sistema informatikoen segurtasun-auditoriak egiteko aukera ematen diegu; segurtasuneko gida-planak idatzi eta ezartzen ditugu, eta SOC (Security Operation Center) propio bat daukagu, asteko zazpi egunetan eta hogeita lau orduz lan egiten duena, bezeroari denbora errealean informazioa emanez (intrusioak, informazio-ihesak, ezohiko jokabideak, eta abar).
Ensotest enpresak komunikazio-protokoloak probatzeko softwarea garatzen du sektore elektrikoarentzako: azpiestazioak, energia modu konbentzionalean eta in situ sortzeko instalazioak eta sare adimendunak. Gure gaitasunen artean nabarmentzekoak dira ekipoak homologatzeko probak, intrusioak antzemateko probak eta sistema horien jakinarazpenetan anomaliak antzemateko probak.
Estudios GIS 20 urte baino gehiagoko esperientzia duen IT konpainia bat da. Balio erantsi altuko soluzio geografikoak ematen espezializatuta dago. Soluzio hauek enpresa industrialen balio-katean integratzen dira. Gure soluzioak, outdoor (pertsonak eta ekipamenduak) eta indoor (kokapena, monitorizazioa eta aktiboen telekudeaketa, argiztapena, instalazio elektrikoak eta bestelako ekipo sensorizatuak bezala) aktiboen kokapenean eta monitorizazioan oinarritutako aginte-koadroen inplementazioan funtsatzen dira.
EUROCYBCAR (European Cybersecurity Test for New Cars / Auto Berrientzako Zibersegurtasun Test Europarra) auto baten zibersegurtasun maila neurtzen duen lehenengo test europarra da. Horretarako, bi parametrotan oinarritzen da: alde batetik, auto baten barruan bidaiatzen duten pertsonen datuen pribatutasunaren babesa; bestetik, eta are garrantzitsuagoa dena, bidaiarien edo beste erabiltzaile batzuen bizitza arriskuan jartzen duten eta gidaritzan eragina duten sistemetarako sarbidearen babesa.
Geograma izeneko enpresa GIS eta Location Intelligence teknologietan oinarritutako irtenbide geografikoen garapenean espezializatuta dago, sektore industrialaren eraldaketa digitala sustatzeko balio dutenak. Euren prozesuak hobetu nahi dituzten enpresa industrialei laguntza ematen diegu, adimen geografikoa erantsiz. Pertsonen edo objektuen “kokapena” monitorizatzen dugu (sentsore edo gailu finkoak edo mugikorrak), bai ingurune irekietan (outdoor) bai itxietan (Indoor Mapping – barruko mapak) eta beste datu batzuk ustiatzen ditugu (tenperatura, tamaina, hezetasuna, masa, eta abar) datuokin ezagutza sortzeko.
Erakunde publiko eta eragile pribatuentzako ondokoak garatzen ditu Geotech-ek: IGS edukiak eta tresnak, neurrira egindakoak eta pertsonalizatuak, informazio geografikoa kudeatzeko erabilgarriak direnak eta erabakiak hartzeko lana errazten dutenak. Besteak beste, kartografia tematikoa eta analitikoa, lurren modelizazio digitala, agertokien simulazioa, landako inbentarioa eta geoerreferentziazio espaziala, bai sektore pribatuarentzat eta bai administrazio publikoentzat.
Hodeiari lotutako banagailuetan eta leihatila adimendunetan oinarritutako Vending Industrialeko 4.0 sistema bat da Gesmatik. Lan-materialak eta kontsumigarriak (tresnak, norbera babesteko ekipamenduak, bulegoko materiala eta abar) kontrolatu eta kudeatzerako orduan enpresek izan ohi dituzten arazoei aurre egiteko irtenbidea da.
Globe Testing softwareak probatzeko lanetan espezializatutako enpresa bat da. Gure zerbitzuen bidez enpresa industrialen sistemek huts egingo ez dutela bermatzen dugu. Horretarako, proba funtzionalak, segurtasun-probak eta errendimendu-probak egiten ditugu. Horrek dakarren eragin ekonomikoa arrakastaz saihestuz, esaterako, eraikuntzan materialak kaltetzen direnean. Horrez gain, kalte pertsonalak ere saihestu egiten dira, laneko arriskuak prebenitzeko sistemak funtzionatzen ez duenean, baita kalte mediatikoak ere, auto bateko nabigazio lagunduak huts egiten duenean.
Sektorean 25 urte baino gehiagoko esperientziarekin, INTk zerbitzu tekniko integrala eskaintzen du: - Sistemen birtualizazioa, cloud pribatuak eta biltegiratzeko lokala eta banatua. - Programa propioak eta neurrirako garapenak. - Zirkuitu elektronikoak garatzea. - Sistemen auditoretza. - Auditoretza/Pentesting zibersegurtasunaren alorrean. - Erabiltzaileen prestakuntza eta kontzientziazioa.
Film-bobinen gaineko etiketatze automatikoan espezializatutako enpresa industrial bat da Guardian, eta elikagaiak paketatzeko balio handiko irtenbideak ematen ditu. Ontziratze-lanak egiten dituzten enpresentzat bereziki diseinatutako garapenak dauzkagu hainbat arlotan: kontsumitzailearekin komunikatzeko blockchaina eta errealitate handitua, trazabilitatea eta faltsifikazioa saihestea.
Guzcor datuen babesaren arloan (DBAO) espezialista den enpresa bat da, hamar urte baino gehiago daramatza analisi forentse informatikoaren arloan lan egiten. Askotariko lanak egiten ditugu: peritu-lan teknologikoak, zibersegurtasunaren arloko gorabeheren analisiak, hacking etikoa, pentesting (segurtasun informatikoko analisia), TIri aplikatutako negozio-adimena, lege-erreklamazioak Interneten, teknologia arloko kontratuak, compliance penala eta Interneti eta zibersegurtasunari lotutako jabetza industriala eta intelektuala.
Hexagon Manufacturing Intelligence enpresak fabrikaziorako eta metrologiarako irtenbideak ematen ditu. Horretarako, neurketa-datuak bildu, analizatu eta modu aktiboan erabiltzen ditu. Modu horretan, gure bezeroei konfiantza ematen diegu ekoizpen-abiadura areagotzeko, produktibitatea handitzeko eta produktuen kalitatea hobetzeko. Bost kontinenteetan banatutako merkataritza-operazioen eta tokiko zerbitzu-zentroen sare batekin, fabrikazioa zentzuz aldatzen ari gara, kalitateak produktibitatea bultza dezan helburua
IbaiScanbit enpresak irtenbide integralak eskaintzen ditu informazioa eta dokumentazioa kudeatzeko liburutegietan, artxiboetan, dokumentazio-zentroetan, museoetan, unibertsitateetan, argitaletxeetan eta enpresetan.
29 urteko esperientzia daukagu IT munduan, eta gaur egun 50 langile baino gehiagok osatzen duen lantaldea dugu. Digitalizazio- eta automatizazio-prozesuak zuzentzen ditugu hainbat arlotan: enpresen administrazioa, artxiboa, giza baliabideak eta horiei lotutako sailak, 4.0 industriarako ibilbidea egiten laguntzeko. Komunikatzeko kanal seguruak erabiltzea, Datu pertsonalen babesari eta eskubide digitalen bermeari buruzko legea eta Datuak Babesteko Araudi Orokorra betetzen direla bermatzea, multisinadura digitala, gordailu digitala. 4.0 Bulegoa
Ibermática Industrian ingenieritzako, ERP, MES eta azpiegitura teknologikoko soluzioen integrazio eta inplementazioan adituak gara. Ikuspegi orokor batekin, ingenieritzatik fabrikazioraino dagoen prozesu guztia biltzen dugu, empresa industrialaren baliabideak maximizatu eta bere Industria 4.0rako bidean lagunduz. Enpresen transformazio digitalean, gure soluzioek digitalizazio integratu eta segurua, fabrikazio eta prozesu digitalen automatizazioa eta smartizazioa dakarte
ICARUS PLM ekosisteman Diseinu eta Fabrikazio Ingeniaritzako ezagueretan oinarritutako enpresa bat da. Horrenbestez, produktuaren bizi- ziklikoko ezagueretan ardazturik, prozesuak automatizatzea, trazabilitate - baldintzak asetzea eta erabakiak hartzeko ezaguerak eraikitzea du helburu.
Ikustec industriaren arlorako ikuspegi artifizialeko irtenbideen garapenean espezializatutako ingeniaritza bat da. Edozein solidorekin erabiltzeko moduko neurketa automatizatuko 3D dimentsio-kontrol eta eskaneatze-software bat diseinatu eta garatu du. Ingurune produktiboetan kalitatea kontrolatzeko eta ikuskapen-irtenbideak lortzeko metrologia-tresna berritzaile bat da.
Inalia-k enpresen neurrira egokitutako monitorizazio-sistemak garatzen ditu industriako makinen, tresnen eta sistemen iraunkortasun-arazoak konpontzeko. Horrela, mantentze-lanen kostuak, denbora eta egitura-arriskua murriztu nahi dira, eta lan egiteko moduaren inguruko ezagutza handiagoa eduki.
Produktu propioei dagokienez, Inaliak hauexek garatu ditu: Monbolt, (torlojututako loturen benetako denbora monitorizatzeko sistema) eta Datia, edozein motatako sentsoreen bitartez lortutako datuak aztertzeko eta bistaratzeko plataforma.
INCONEF industria-instalazioen termodinamikan eta kontrolean espezializatutako ingeniaritza bat da. Nekazaritzako elikagaien enpresetan eta, zehazkiago, ardo-upategietan zentratzen da, eta estatu osoko bezeroak ditu. Ardogintzaren sektorerako kontrol-sistema aurreratuak garatu ditugu, IoT sentsoreetan oinarrituta, eguneroko hartzidura- eta hazkuntza-zereginak errazten dituztenak. Horrez gain, ur-araztegiko bakterioen kalitatea aztertzen duen kontrol-sistema bat garatu dugu.
INMEPRE ingeniaritza eta fabrikazio enpresa bat da, akabera zehatzak eta doitasun handikoak behar dituzten piezetan espezializatua. Gure I+G sailak prestazio handiko produktuak diseinatzen ditu, eta prozesuaren zati guztietan jarduten du: baldintzak aztertzea, diseinu kontzeptuala eta prototipo funtzionalak baliozkotzea. Halaber, akabera ultra-doituak fabrikatzeko gaitasuna dauka.
InnoTec nazioarteko enpresa bat da eta Entelgy Taldearen baitan dago. Arlo hauetan espezializatuta dago: zibersegurtasuna, adimena eta kudeaketa eta arriskuen prebentzioa. 2002. urteaz geroztik gaude merkatuan, eta 350 profesional aditu baino gehiago ditugu, baita Segurtasun Operazioetarako Zentro (SmartSOC) bat ere, sektore osoko garatuenetakoa dena.
4.0 industriako sistemen integratzailea da Inovako, eta ikuspen artifiziala baliatuz industria arloko kalitate-kontrolerako irtenbideak ematen ditu. Inovakoren irtenbideak bi teknologia motatan inplementatzen dira: adimen artifizialean oinarritutako ikuspen artifizialeko irtenbideak eta arauetan oinarritutako ikuspen artifizialeko ohiko irtenbideak.
Izenpe ziurtapen-zerbitzuetako egile batek sinadura elektronikoko zerbitzuak eskaintzen ditu. Sinadura elektronikoa honela defini daiteke: internet bidez eta telefono bidez lehen bertaratuta egin behar ziren izapideak egin ahal izateko ohiko eskuzko sinadura ordezkatu dezaketen prozedura tekniko eta juridikoen multzoa.
Izurun hogeita hamar urte baino gehiago daramatza teknologia digitalen alorrean lan egiten. Sektore guztietako ETEei eraldaketa digitalaren prozesua gauzatzeko laguntza ematen diegu. Horretarako, euren prozesuetan teknologia digitalak barne hartzen laguntzen diegu, baita horiek modu efizientean erabiltzen erakutsi ere, hartara, lehiakorragoak izan daitezen.
JakinCode-k zibersegurtasuneko irtenbideak garatzen ditu, bai eraso-eremuan bai defentsa-eremuan, gure bezeroen beharrizanen eta arriskuen testuinguruan kokatutako kontrainteligentzia neurriak eta “hardering” neurriak hartzeko.
Publizitate zientifiko digitalean espezializatutako enpresa bat da Kai Marketing Lab. KAIBOT izeneko marketin digitaleko tresna garatu du, zeinak adimen artifizialeko teknologiak aplikatuz eta analisi-sistemak integratuz, datuak modu bateratuan integratuz eta prozesuak automatizatuz, industria munduaren barruko salmenta- eta merkataritza-sailen eraldaketa digitala ahalbidetzen duen.
Datu eta analitika espazialeko enpresa bat da Karten Space. Satelite-irudiak prozesatuz eta analizatuz balio erantsi handiko informazioa sortzen dugu gure bezeroei erabakiak hartzeko prozesuan lagundu ahal izateko. Gure planetan gertatzen diren jardueren metrikak eta patroiak ateratzen, identifikatzen, karakterizatzen, monitorizatzen ditugu. Horretarako, gure nanosateliteen konstelazio propioa garatzen dugu, lurreko eta itsasoko gainazalaren irudiak eskuratzeko.
Krean S.Coop nazioarteko enpresa aditua da soluzio integral, berritzaile eta jasangarriak eskaintzen Ingeniaritzaren eta Arkitekturaren eremuan. 350 lagun inguruko plantilla osatzen dugu, eta urtean 36 milioi euro fakturatzen ditugu. 40 urtetik gorako esperientzia dugu, eta etengabe hedatzen eta hazten ari gara, modu jasangarrian, betiere giza eta gizarte-balioetan oinarritutako filosofiari jarraikiz.
KUKA Robotics, robotikaren eta automatizazio-teknologiaren arloko enpresa aitzindaria, robot industrialen fabrikatzaile nagusietako bat da. 50 urte baino gehiagoko esperientzia dauka eta 120 urte baino gehiagoko historia. Solaskide bakar baten bidez bezeroak behar duen guztia eskaintzen du: robotak, aurrez konfiguratutako irtenbideak, zelda robotizatuak eta erabat automatizatutako sistemak. 4.0 industriaren eta etorkizuneko fabriken beharrizanak kontuan hartuta, gure zerbitzuak erabiltzen dituzten sektore industrialen errentagarritasuna eta ekoizpena areagotzeko helburuarekin lan egiten dugu.
La GISTería mapak diseinatzen aditua da, kartografian oinarritutako mota guztietako soluzioak egiten ditu eta soluzio horien ikusizko zatia indartzen du.
Garatzen dituzten irtenbideen artean diseinu grafikoa, web diseinua eta aplikazio mugikorrak, seinaleztapena eta diseinu editoriala daude. Guztiak mundu geografikora bideratuak.
Profilak, hodiak eta txapazko piezak fabrikatzen dituzten enpresen eraldaketa digitalari dagokionez, 4.0 industriarentzako irtenbideak ematen dituen enpresa nagusietako bat da Lantek Sheet Metal Solutions. 1986. urteaz geroztik Lantek merkatuko liderra da eta Araban garatzen ditu produktuak. Lantalde komertzial eta tekniko zabal bat jartzen du bezeroen esku (21.000 baino gehiago). Lantalde horiei esker, marka desberdinetako makinak eta ekoizpen-metodo oso bestelakoak dituzten metalaren arloko enpresentzako funtsezko elementua eta kide teknologikoa da Lantek.
Laubor Technologies enpresak aholkularitza zerbitzuak eta zibersegurtasuna integratzeko zerbitzuak eskaintzen dizkio industria 4.0 sektoreari, digitalizazio industrialerako eskaintzaren baitan. Arranobox izeneko produktua eskaintzen du, zeinari esker ETEen dokumentazio guztia toki bakarrean zentralizatu daitekeen, sarbide-baimenak modu efizientean kudeatuz eta informazioak ihes egitea ekidinez.
LIS Data Solutions logistika-ingeniaritza bat da eta hornidura-katearen datuen inguruko analisi aurreratuan espezializatuta dago: ekoizpena, erosketak, logistika, garraioak...
Metaposta-k enpresen komunikazio-prozesuen eraldaketa digitala errazten du kanal seguru, zifratu eta pribatu baten bidez. Komunikazio-prozesuak hobetzen eta sinplifikatzen ditu. Era berean, enpresak Datu Pertsonala Babesteko Erregelamendua betetzen duela bermatzen du, datu bereziak tratatzeko arduradunei laguntza emanez: Giza Baliabideen Arloari dokumentuak modu seguruan helaraztea, onarpen-prozesuak digitalizatzea, mugikorraren bidezko sinadura eta zaintza legala, bi noranzkoen arteko komunikazioa sinplifikatuz.
Meteo for Energy enpresak produktu berritzaileak garatzen ditu energia berriztagarrien instalazioetan energia (eolikoa, fotovoltaikoa eta eguzki-energia termikoa) ekoizteko kudeaketa hobetzeko. Adimen artifizialean eta optimizazio-algoritmoetan oinarritutako teknika aurreratuak erabiltzen ditugu, energia berriztagarriaren errendimendua, mantentze-lanak eta operazioak hobetu eta optimizatzeko. Sektore energetikoaren, meteorologiaren eta teknologia berrien arloan daukaten jakintzari esker, in situ energiaren eredu berriaren baitan aldaketarako eragile bat izan nahi dute.
Mizar Additive Manufacturing enpresa sektore mediko, aeroespazial eta industrialarentzako plastikozko eta metalezko piezen fabrikazio gehigarrian espezializatuta dago. Horretarako, FDM, Polyjet, SLS, DMLS eta EBM teknologiak erabiltzen ditu.
Natural Vox enpresak hizketa-teknologiei lotutako proiektuak eta zerbitzuak garatzen ditu: elkarrizketa automatizatutako proiektuak IVR, chatbot, transkribapen automatikoak, aholkularitza eta kontaktu zentroentzako elkarrizketa-analitikak…
Oboid 4.0 ingeniaritza elektroniko bat da. Garapen elektronikoak egiten ditugu teknologia askean oinarrituta. Teknologia horren erabilerak garapen-denbora murrizten du eta dagoeneko existitzen diren produktuei edo produktu berriei kontzeptu berri bat ematen die.
Omron automatizazio industrialeko enpresa liderra da. Hautemate eta kontrolerako gaitasun teknologiko nagusiak aprobetxatzen ditu merkatuari eskaintza erabatekoa helarazteko: kontrol-gailuak, osagai elektronikoak, automoziorako osagaiak, elektromedikuntza eta ingurumena. 4.0 industriarako gure irtenbideak estandarretan oinarrituta daude (IO-Link / OPC UA / MQTT) eta honako arlo hauek hartzen dituzte: adimen artifiziala, segurtasuna, trazabilitatea eta robotika. Gainera, intralogistikako aplikazioetarako robotika kolaboratiboko eta mugikorreko irtenbideak ematen dituzte.
On4U Global Services enpresa B2C/B2B merkataritzarentzako irtenbide digitalak garatzen dituen agentzia global bat da. Enpresei euren salmenta-prozesuak modu digitalean eraldatzeko eta berritzeko laguntza ematen diegu, euren sektorea eta negozio-eredua edozein delarik ere. Hainbat zerbitzu eskaintzen ditugu: aholkularitza estrategikoa, UI eta UX diseinua, produktu/zerbitzuak online banatzeko plataformen diseinua, hirugarrenen sistemekin integrazioak, kudeaketa prozesuen digitalizazioa eta automatizazioa.
Optimitive software aurreratua garatzen eta mantentzen duen enpresa bat da, eta alor horri lotutako zerbitzuak ematen ditu, prozesu industrialak eta eraginkortasun energetikoa denbora errealean hobetzeko. Teknologia eta produktu propioak garatzen ditugu, ondasunak ekoizten dituzten enpresen kezka eta interesen gainean daukagun ezagutza sakonean oinarrituta. Halaber, hogei urte baino gehiago daramatzagu adimen artifizialeko algoritmo aurreratuekin lan egiten, gure produktuen oinarri direnak.
Optimus 3D: fabrikazio gehigarriko teknologian edo 3D inprimaketan oinarritutako irtenbide integraletan espezialistak gara. Fabrikazio gehigarri profesionaleko teknologien bidez, produktu eta lanabes berritzaileak garatzen eta ekoizten ditugu, hainbat sektoretan erabil daitezkeenak, besteak beste: automozioan, aeronautikan, makina-erremintan eta medikuntzan.
Oreka IT enpresak Business Intelligence eta Analitika Aurreratuko sistemak ezartzen ditu SAP teknologian oinarrituta; horien bidez, kudeaketa-sistemetatik nahiz kanpoko iturrietatik jasotako enpresari buruzko informazioa aztertzen dute. Informazio horren tratamenduari eta ustiapenari esker aginte-taulak, txostenak eta adierazleak sortzeko sistemen integraziorako osagarriak eta prozesuak hobetzen dira, horrela, kudeaketa kontrolatzea nahiz erabakiak hartzea erraztuz, bai eguneroko lanean, bai epe luze eta laburreko estrategiak zehazterakoan.
Osane Consulting eraldaketa digitalean eta industria-segurtasunean jarduten duen enpresa bat da. Ondare-segurtasuna edo segurtasun korporatiboa, ikerketa, adimena eta prestakuntza kudeatzeko 360º-ko irtenbideak eskaintzen ditugu. Antolaketa-prozesuen auditoria osoak egiten ditugu, eta ahultasunak zein hobetzeko aukerak identifikatzen ditugu. Gure egitekoa, hain zuzen ere, gure bezeroen segurtasun-arriskuak txikiagotzea da, eta arriskuei erantzuna ematea, organizazio barruan eta kanpoan, eta baliabideak optimizatzea erakundearen estrategia orokorra betetzeko eta erabakiak hartzeko unean modu aktiboan baliagarria izateko.
Zibersegurtasun-zerbitzuak eskaintzen dituen Iberiako enpresarik handiena da S21sec | Nextel. Esperientzia zabala dute sektorean, eta horri esker erakundeen negozio-prozesuen zibersegurtasun-arriskuen aurkako estaldura osoa eskaintzen dute. Lantaldea 400 adituk osatzen dute. Horrek argi uzten du S21sec | Nextel enpresak aparteko gaitasuna duela mehatxuak prebenitu, antzeman eta ikertzeko lan bikaina egiteko. Hiru alderdi horiek funtsezkoak dira edozein mehatxuren aurrean azkartasunez erantzuteko eta ahalik eta lasterren zibersegurtasun-gorabeherak identifikatu, diagnostikatu eta konpontzeko. S21sec | Nextel enpresaren portafolioa bat dator NIST (identifikazioa, babesa, antzematea, erantzuna eta berreskurapena) zibersegurtasunaren esparruarekin; izan ere, 24x7 zerbitzua ematen du plataforma adimendun propio baten bidez eta fabrikatzailearen produktuetan ziurtatuta dauden analisten bitartez.
See You Zoom enpresak eduki digitala, birtuala eta hiru dimentsiotakoa, sortzen du eraikuntzarako, arkitekturarako, industria... Zirriborroetatik, planoetatik, hiru dimentsioko fitxategietatik edota argazkietatik abiatuta, eduki digitalak sortzen ditugu espazioak, diseinuak, ideiak edo kontzeptuak modu grafikoan, interaktiboan eta murgilketa bidez ikusi, erakutsi eta iragartzeko. Hainbat zerbitzu eskaintzen ditugu: errealitate birtuala, 3D irudiak, render, bideoa, 360 irudia, baliabide interaktiboak... erabilera guztietarako.
Solid Machine Vision enpresak proiektuak garatzen ditu industriaren eremuan, horretarako, mota askotako teknologiak aplikatzen ditu: ikuspen artifiziala, automatizazioa, robotika eta konplexutasun handiko softwarea. Proiektuaren fase guztiak hartzen ditugu: diseinua, inplementazioa eta doitzea. Horrez gain, hardware aurreratuena dugu eskura, eta bezeroaren esanetara jartzen gara aurretiazko prototipoak edo probak egiteko.
SPCnet enpresak produktu sorta zabala eskaintzen du hodeian, datuen segurtasunera eta zaintzara bideratutakoak, baita sarbideak kontrolatzeko eta sistemetan informazioa erabilgarri izateko eta datuak komunikatzeko ere. Mehatxuak eta zaurgarritasunak antzemateak eta tratatzeak ondokoak saihestea ahalbidetzen du: intrusioak, lapurretak, zerbitzuaren mozketak, erabilera bidegabea eta enpresaren informazio kritikoa aldatzea, baita galera ekonomikoak eta irudi korporatiboarenak ere. Zerbitzuak hodeian baina oinak lurrean.
IT/OT zerbitzuak integratzen dituen enpresa bat da Telbask. Eraldaketa digitalerako proiektuak garatzen ditugu mota guztietako sektore, ingurune eta protokoloetara egokitu daitezkeen cloud plataformen bidez. Datuen kudeaketarekin denbora errealean lan egiten dugu eta edozein makina, ekipamendu edo elementu monitorizatzeko gai gara; horretarako, datuak atzitu eta informazio bilakatzen ditugu aginte-taula pertsonalizatuak erabiliz. Gure plataforma edozein ERPrekin integratzen da eta, besteak beste, sekuentziazio, machine learning eta MES/MOM funtzionaltasunak eskaintzen ditu. 4.0 industria, Smart City, Smart Energy eta zibersegurtasun-ingurune berrienekin lan egiten dugu.
Wind Recycling enpresak parke eoliko eta eguzki planta fotovoltaikoak mantentzeko ingeniaritza irtenbideak eskaintzen ditu. Mantentze eta operazio datuak bildu eta analizatu ostean (SCADA, akats-tasak, erabilgarritasuna, ekoizpena, ordezko piezen kontsumoak, aktiboen egoera...), energia berriztagarria ekoizteko zure instalazioa mantentzeko irtenbiderik onena diseinatzen dugu.
Zárate Mateo Algorithmic Systems finantza-teknologiako enpresa bat da eta inbertsio-sistema kuantitatiboen garapenean eta inplementazioan espezializatuta dago. Cloud computing teknologiak eta adimen artifiziala finantza-sektorean integratzen ditu, deep learning eta machine learningean oinarritutako teknikak erabiliz, hori guztia prozesuak, inbertsio-estrategiak eta arrisku-kontrola optimizatzeko helburuarekin.
Esta web utiliza cookies para que podamos ofrecerte la mejor experiencia de usuario posible. La información de las cookies se almacena en tu navegador y realiza funciones tales como reconocerte cuando vuelves a nuestra web o ayudar a nuestro equipo a comprender qué secciones de la web encuentras más interesantes y útiles.
Las cookies estrictamente necesarias tiene que activarse siempre para que podamos guardar tus preferencias de ajustes de cookies.
| Cookie | Tipo | Duración | Descripción |
| NID | third party | 1 año | Cookie técnica cargada por los servicios de Google, tales como reCaptcha y servicio de Google Maps. La cookie NID contiene un ID único que Google utiliza para recordar tus preferencias y otra información, como tu idioma preferido. En nuestro Sitio Web usamos Google Maps. |
| PHPSESSID | session | Sesión | Cookie necesaria nativa de PHP y permite a la web guardar datos serializados de estado. En esta web se usa para establecer sesiones de usuario pasando datos de estado a través de una cookie temporal también conocida como Cookie de sesión. La cookie PHPSESSID no tiene caducidad establecida ya que desaparece cuando se cierra la web. |
| wordpress_test_cookie | session | Sesión | Esta cookie se usa para que el gestor de contenidos WordPress compruebe si el navegador tiene las cookies activadas. |
| moove_gdpr_popup | session | 1 mes | Cookie necesaria que registra sus preferencias y consentimientos de cookies según valores de la sección AJUSTES. |
| wp-wpml_current_language | third party | 1 día | Almacena el idioma actual. De forma predeterminada, esta cookie está configurada solo para usuarios registrados. Si habilita la cookie de idioma para admitir el filtrado AJAX, esta cookie también se establecerá para los usuarios que no hayan iniciado sesión. |
| wp-wpml_current_ admin_language_{hash} |
session | Sesión | Almacena el idioma actual del área de administración de WordPress. |
| _icl_visitor_lang_js | session | Sesión | Almacena el idioma redirigido. |
Si desactivas esta cookie no podremos guardar tus preferencias. Esto significa que cada vez que visites esta web tendrás que activar o desactivar las cookies de nuevo.
Esta web utiliza Google Analytics para recopilar información anónima tal como el número de visitantes del sitio, o las páginas más populares.
Dejar esta cookie activa nos permite mejorar nuestra web.
| Cookie | Tipo | Duración | Descripción |
| _ga | persistent | 2 años | Cookie analítica generada por Google Analytics para distinguir a los usuarios y sesiones. La cookie se crea cuando se ejecuta la biblioteca de JavaScript y las cookies no UTMA __ existentes. La cookie se actualiza cada vez que los datos se envían a Google Analytics. Más información en https://developers.google.com/analytics/devguides/collection/analyticsjs/cookie-usage?hl=es. |
| _gat | persistent | 1 día | Cookie analítica generada por Google Analytics utilizada para mostrar nuestra publicidad en otras páginas de la red de Google. La cookie se actualiza cada vez que envía los datos a Google Analytics. Más información en https://developers.google.com/analytics/devguides/collection/analyticsjs/cookie-usage?hl=es |
| _gid | persistent | 1 día | Cookie analítica generada por Google Analytics para almacenar y actualizar un valor único por cada página visitada que se utiliza para hacer recuento de cuántas veces visita el sitio un usuario, así como la fecha de la primera y la última vez que visitó la web. Registrar la fecha y hora de acceso a cualquiera de las páginas del Sitio. Comprobar la necesidad de mantener la sesión de un usuario abierta o crear una nueva. Identificar la sesión del usuario, para recoger la ubicación geográfica aproximada del ordenador que accede al Sitio con efectos estadísticos. Más información en https://developers.google.com/analytics/devguides/collection/analyticsjs/cookie-usage?hl=es |
| AMP_TOKEN | persistent | 1 año | Incluye un token que se puede utilizar para recuperar un ID de cliente del servicio de IDs de cliente de AMP. Otros posibles valores indican inhabilitaciones, solicitudes en curso o errores obtenidos al recuperar un IDs del servicio de IDs de cliente de AMP. |
| _gac_{property-id} | session | 90 días | Incluye información de la campaña relativa al usuario. Si has vinculado tus cuentas de Google Analytics y Google Ads, las etiquetas de conversión en sitio web de Google Ads leerán esta cookie, a menos que la inhabilites. |
¡Por favor, activa primero las cookies estrictamente necesarias para que podamos guardar tus preferencias!
