Laguntzak

Laguntza ekonomikoak

Basque Industry 4.0

Aurrera goaz industria adimendunaren garapenean, teknologia transferituz Fabrikazio Aurreratuari aplikatutako EIKTen arloan.

Basque Industry 4.0 laguntza programak 300.000 eurorainoko dirulaguntzak ematen dizkie helburu hau duten ikerketa industrialeko eta garapen esperimentaleko proiektuei: teknologia transferitzeateknologia-hornitzaileetatik enpresa industrialetara Fabrikazio Aurreratuaren arloan. Horrela, hornitzaile teknologikoetatik datozen berrikuntzak ezartzeko eta merkatuan lehiakortasuna eta posizionamendua hobetzeko beharrezkoak diren baliabideak eta tresnak eman nahi dizkiegu euskal enpresei. Laguntza horiek industri edo industriarekin erlazionatutako arloko enpresei edo zerbitzu aurreratuetako enpresei zuzentzen zaizkie, baldin eta proiektuak garatzen badituzte euren hornitzaileekin batera Fabrikazio Aurreratuari aplikatutako EIKTen arloan, proiektu horiek demostrazio-balioa badute eta lagungarri badira EIKTen arloko I+G proiektuetatik lortutako emaitzak azkarrago merkaturatzeko.

Diruz lagundu daitezkeen proiektuak

Proiektuek arlo hauetakoren batekin lotuta egon behar dute, fabrikazio aurreratuari aplikaturiko CPS (Cyber Physical Systems) sistemen arloan:
  • Zibersegurtasuna eta industria-komunikazioak
  • Cloud computing-a
  • Adimen Artifiziala, Big Data, Analitika Aurreratua eta Business Intelligence
  • Machine Learning
  • Robotika kolaboratiboa
  • Errealitate areagotua
  • Ikusmen artifiziala
  • Sentsorika
  • Diseinua eta gehikuntza bidezko fabrikazioa metalezko materialetan eta material aurreratuetan.
  • Material eta prozesu aurreratuak erabiltzen dituzten proiektuak.

Hartzaileak

  • "I+G-ko agentearen” dedikazioaren gastuetan, horren barnean sartuz fabrikan ematen den laguntza eta aholkularitza.
  • “Inplantariaren” dedikazioaren gastuetan.
  • Agente teknologikoak eskainiriko jabetza industriala eskuratzeko gastuetan.
  • Hardwareko eta softwareko inbertsioetan eta/edo gastuetan.
  • Enpresa onuradunaren barneko langileen gastuetan.

Agentea

Eusko Jaurlaritza / SPRI

Azpitek 2022

Lortu bikaintasuna zure ikerketetan, ekipo eta azpiegitura berriak erosiz edo egun dauzkazunak hobetuz.

Badakigu emaitza baliotsuak emango dituen kalitatezko ikerketarako inbertsio handiak egin behar direla azpiegituretan eta ekipamenduan. Horregatik, Azpitek 2022 Programaren bidez laguntza eman nahi dizugu zure ikerketetan aurrera egiteko behar dituzun azpiegitura eta ekipamendu zientifiko-teknikoak erosi, instalatu eta eguneratzeko. Hala, baliabide gehiago eman nahi dizkiegu ZTBESeko ikerketa-zentroei, euren kalitatea eta bikaintasuna handitu eta emaitza hobeak lor ditzaten, emaitza horien bidez inpaktu zientifiko-teknologiko, ekonomiko eta sozial nabarmena sortzeko Euskadin. Programa honen helburu nagusia da Euskadiko azpiegitura zientifiko eta teknologikoak indartzea, I+G+B-ko jarduerak bultzatzea eta horien emaitzak baliozkotu eta erakustea Zientzia, Teknologia eta Berrikuntzarako Euskadi 2030 Planak barne hartzen dituen arloetan, horrela babesa emateko gaur egungo hiru trantsizioei: teknologiko-digitala, energetiko-klimatikoa eta sanitario-soziala. Helburua hori izanik, Azpitek programak dirulaguntzak eskaintzen dizkie Foku Anitzeko Teknologi Zentroei eta ZTBESen integratutako Ikerketa Kooperatiboko Zentroei, euren ikerketetarako beharrezko ekipamenduak erosi, instalatu edo eguneratzeko. Dirulaguntza hori inbertsioaren % 100erainokoa izan daiteke, baldin eta ekipamendua erakundearen jarduera ez ekonomikoetarako erabiltzen bada, eta % 50erainokoa, erakundearen jarduera ekonomikoetarako bada.

Agentea

SPRI Taldea

Elkartek 2022

42M € laguntzatan, ZTBESeko agenteek elkarlaneko ikerketa egin dezaten Industria Adimendun, Energia eta Osasuna bezalako arlo estrategikoetan. Elkartek 2022 elkarlaneko ikerketarako laguntzen programaren helburua da, lankidetzarako oinarrizko ikerketa-proiektuak, industria-potentzial handiko ikerketa eta interes bereziko beste ekintza osagarri batzuk sustatzea, industria adimendunaren, energia garbien eta osasun pertsonalizatuaren arloetan lehiakortasuna hobetzeko.

Agentea

SPRI Taldea

Industria digitala 2022

Digitalizaziorako laguntzak, euskal industria-sarearen lehiakortasuna sustatzeko, teknologia digital eta jasangarrien bitartez

Industria Digitala programaren helburua euskal industria eta industriarako zerbitzuak eskaintzen dituzten enpresak bultzatzea da, lehiakortasuna areagotzeko behar dituzten baliabideak eta aholkularitzapertsonalizatua eskeiniz, teknologia digital eta jasangarrien bitartez, merkatuan duten posizionamendua hobetzeko lehiakortasun abantailak garatu ahal izateko. Teknologien bilakaera azkarra eta etengabea da.  Ondorioz, enpresa askok zailtasunak dituzte teknologia hauek beharrezko abiaduran ezartzeko. Horregatik, Industria Digitala programak 18.000 €arte eskaintzen ditu urte eta enpresa bakoitzeko, EIKTak diagnostikatu eta/edo beren produktu, prozesu eta zerbitzuetan ezartzeko proiektuetarako. Hau da, bere balio-katean txertatzeko.

Industria adimendunerantz aurrera egiteko aukera, teknologia digital eta iraunkorren bidezko konponbideak garatuz eta ezarriz, egungo eta etorkizuneko erronka handienei aurre egin ahal izateko.

Hartzaileak

Laguntzak EIKTak txertatzeko industri arloko enpresetan eta produktu-prozesu industrialarekin lotutako zerbitzuetako enpresetan.

Agentea

Eusko Jaurlaritza / SPRI

Zibersegurtasun Industriala 2022

Zibersegurtasunerako laguntzak, industriako eta industriarako zerbitzuetako enpresak zibererasoen eta informazio sentikorraren lapurreten aurrean babesteko, hornitzaile espezializatuen laguntzarekin.

Industria adimendunerantz egindako eraldaketak eta honek dakarren konektibitateak agerian uzten dute zibersegurtasuna funtsezko tresna dela Euskadiko industria-enpresak gero eta hobeto prestatuta egon daitezen eraso zibernetikoei aurre egiteko, eta mehatxu hauen aurrean beren datuen eta prozesuen segurtasuna bermatzeko beharrezko baliabideak izan ditzaten. Zibersegurtasuneko espezialisten ustez, erakundeek sareko konexioekiko duten esposizioa handitzeak eragindako zibersegurtasuneko intzidenteen hazkunde esponentziala emango da datozen urteetan. Konektibitatearekiko mendekotasun hori bizi dugun eraldaketa digitalaren ondorioa da, eta pandemiaren ondorioz bereziki areagotu da. Ondorioz, funtsezkoa da hackerrek ustiatu ditzaketen zibersegurtasun-akatsik ez dagoela bermatzea, adibidez, hornidura-katean edo gure lehiakortasunerako funtsezkoak diren beste elementu batzuetan. Arrazoi hauengatik, eta Euskadiko industria-sektorearen zibersegurtasuna eta lehiakortasuna bermatzeko, Zibersegurtasun Industriala programak itzuli beharrik gabeko 18.000 € diru-laguntzak eskaintzen ditu enpresa eta urte bakoitzeko.
Aprobetxatu zure enpresaren zibersegurtasuna aztertuko duen hornitzaile espezializatu bat izateko aukera, eta prestatu zure neurrirako ekintza-plan bat zibererasoen edo datu-filtrazioen aurrean babestuta egoteko.

Hartzaileak

Kezkatzen zaitu zure datuen segurtasunak? Industri arloko enpresa bat edo produktu-prozesu industrialari lotutako zerbitzu teknikoak, diseinu-zerbitzuak eta zerbitzu logistikoak eskaintzen dituen enpresa bat zara eta Euskadin duzu egoitza

Agentea

Gobierno Vasco / SPRI

Hazitek 2022

95 M € laguntzatan euskal enpresetako ikerketa eta garapena bultzatzeko.

I+G-rako Hazitek 2022 laguntzen programa bereziki diseinatu da Ikerketa eta Garapen Proiektuak sustatzeko ETEetan, enpresa handietan eta euskal enpresen elkarteetan. Programa honek dirulaguntza ez itzulgarriak ematen ditu Ikerketa Industrialeko edo Garapen Esperimentaleko jardueretarako, eta bere aurrekontua bi multzotan banatzen da, bata proiektu lehiakorrentzat eta bestea  estrategikoentzat.

Hartzaileak

Programa honen onuradunak ENPRESAK (handiak zein ETTak), enpresa-erakundeak eta taldeak. Oinarri zientifiko eta teknologikoa duten enpresa berriak sortzeko, Zientzia, Teknologia eta Berrikuntzarako Euskal Sarea ere onuraduna izango da.

Agentea

Eusko Jaurlaritza / SPRI

Araba Innova – Digitaliza 2022

Deialdi honen helburua Araban berrikuntza eta Digitalizazioa sustatzea da, norgehiagoka erregimeneko diru-laguntzak emanez Arabako ekoizpen egituraren ekonomia modernizatzen eta haren lehiakortasuna hobetzen laguntzen duten proiektuak eta/edo jarduerak egiten dituzten erakundeei.

Hartzaileak

  • Sozietate egoitza eta zerga egoitza Arabako Lurralde Historikoan duten enpresek, beren osaera juridikoa edozein dela ere, edo gutxienez jarduera zentro bat Arabako Lurralde Historikoan daukatenek. Enpresa sortu edo jarduera hasi zenetik eskaera egiten den egunera arte gutxienez urtebete igaro behar da..
  • Zerga egoitza Arabako Lurralde Historikoan duten autonomoak, baldin eta laguntza xede den jarduerari dagokion JEZean alta eman zutenetik gutxienez urtebete igaro bada.
  • Arabako Lurralde Historikoan jarduera zentroa duten zentro teknologikoak edota ikerketa zentroak, Araban irakaskuntza unitatea duten unibertsitateak eta Araban helbide soziala eta fiskala dauzkaten fundazioak eta enpresa elkarteak eta I+Gko enpresa unitateak, haiek denak gutxienez bi urteko antzinatasuna izanik

Agentea

Arabako Foru Aldundia