[…]"> Foru Aldundiak bultzatu du Egibidek eta Ikaslan Arabak kalitatezko jauzia egin dezaten beren irakasleak Zibersegurtasunean prestatzeko - Araba 4.0

Berriak

Egibidek eta Optimus 3Dk indarrak batu dituzte fabrikazio gehigarrian berritzeko
11 ekaina, 2020
Hasi da Bind 4.0 ekitaldiaren bosgarren ediziorako inskripzio-epea
7 uztaila, 2020

Foru Aldundiak bultzatu du Egibidek eta Ikaslan Arabak kalitatezko jauzia egin dezaten beren irakasleak Zibersegurtasunean prestatzeko

Ekimena astelehenean hasiko da eta “Osane Consulting” ek emango duen prestakuntza espezializatu baten baitan kokatzen da

Vitoria-Gasteiz, 2020ko ekainaren 19a. Arabako Foru Aldundiak eta gure lurraldeko Lanbide Heziketako Egibide eta Ikaslan Araba zentroek zentro horietako irakasleei zuzendutako zibersegurtasunean espezializatutako prestakuntza diseinatzea adostu dute. Alor horretan espezializatutako Osane Consulting Arabako konpainiako profesionalek 130 orduko prestakuntza emango dute, aurrez aurre eta 4.0 industrian bereziki.

Gainera, ekimenak prestakuntza diseinatzeko eta material didaktikoak garatzeko jarduerak biltzen ditu, bai eta 2021ean prestakuntza espezializatua abiarazteko beharrezkoak diren ekipamenduak erosteko jarduerak ere.

Ekimenaren helburua bikoitza da: Arabako industria-ingurunean Zibersegurtasunaren gakoak zabaltzea, batez ere arriskuak eta mehatxuak, eta enpresen heldutasun-maila handitzeko neurri zehatzen aplikazioa sustatzea. Arabako Aldundiak proiektua babestu eta finantzatzen du, eta espero du lankidetza publiko pribatu berri horrek lurraldeak Zibersegurtasuna bezalako gai estrategiko batekiko erakutsi duen sentsibilitatea eragingo duela, eraldaketa digitaleko edozein prozesutan giltzarria baita.

Programak zortzi irakaslek hartuko dute parte, lau ikastetxe bakoitzeko, eta lau asteko iraupena izango du. Bi fasetan emango da: ekainaren 22tik uztailaren 10era, eta iraileko azken astean.

130 prestakuntza-ordu horietatik, gutxi gorabehera % 30 industriara eta haren prozesuetara bideratuko dira berariaz, eta gainerako gaiak sektore horren zeharkako gaiak izango dira. Gainera, orduen % 80 praktikoak izango dira, eta horrek, zalantzarik gabe, irakasleen artean kontzeptuen asimilazioa bizkortuko du, gerora etorkizuneko profesionaletara eramateko “, azpimarratu du Lorenzo Diaz de Apodaca Osane Consulting enpresako bazkide zuzendariak.

Zibersegurtasunaren aldeko apustua ez da berria Lanbide Heziketako ikastetxeetan, pixkanaka inplementatzen ari baitira zenbait heziketa-ziklotan. Oraingo honetan, ordea, bere errektoreek urrats bat gehiago eman nahi izan dute, irakasleak programa zehatzago eta profesionalago batekin trebatuz. Horrela, espezializazio handiagoa lortzen dute, eta datorren ikasturtetik aurrera LHko hainbat ziklotako (Informatika, Telekomunikazioak, robotika eta Mekatronika) ikasleei ere helarazi ahal izango zaie.

“Ez gara hutsetik abiatzen arlo honetan, baina kalitatezko jauzi bat eman nahi dugu, eta prestakuntza espezifiko eta egituratu bat behar dugu, Zibersegurtasuna bezalako errealitate bizi eta aldakorrera egokituko dena eta, gainera, gure ikasleak gero prestatuko dituzten pertsonak behar bezala kualifikatuko dituena. Prestakuntzaren aplikagarritasuna bermatu nahi izan dugu kopurua baino lehen “, azpimarratu dute Xabier López EGIBIDEko LHko zuzendariak eta Javier Ochoa de Alaiza IkaslanArabako presidenteak.

Ildo horretan, ahaldun nagusiorde eta Garapen Ekonomiko, Berrikuntza eta Erronka demografikoko diputatuak azpimarratu duenez, “Gure lurraldea oso ondo ari da kokatzen gai garrantzitsu honetan. Arabak Estatu mailan erreferentzia den zibersegurtasun polo bat eraikitzeko aukera handia du, lehen mailako dozena bat enpresa baino gehiago ditugu, eta azpiegitura garrantzitsu batekin, Basque CyberSecurity Centre. Horregatik da hain interesgarria prestakuntzaren arloan bide horretan urratsak ematea “.