4.0 Zuzkitzaileak

datuen analitika eta adimen artifiziala

ekaina 11, 2018

Airestudio Geoinformation Technologies, S.Coop.

Web orria bisitatu

Airestudio Geoinformation Technologies hogei urte baino gehiagoko esperientzia daukan zerbitzuen ingeniaritza bat da. Datuak jaso, analizatu eta tratatzeko irtenbide malguak eta eskalagarriak eskaintzen ditu. Kalitate metrikoko eta zehaztasun handiko hiru dimentsioko informazioa sortzen dugu makineria, instalazio produktiboak edo azpiegiturak dokumentatzeko, alderantzizko ingeniaritza egiteko, aktiboak inbentariatzeko, kalitate-prozesuei laguntzeko, mantentze-lanen kontrola errazteko, instalazioak planifikatzeko, elementuak kalibratzeko, proiektu berrien diseinua babesteko, segurtasuna hobetzeko.... .Horretarako droneak, beso robotikoak, lurreko eskanerrak eta MMC erabiltzen ditugu.

ekaina 11, 2018

Bigda Solutions

Web orria bisitatu

BIGDAk Big Data eta adimen artifizialeko teknologiak erabiltzen ditu prozesu produktiboak eta enpresetako energia kontsumoak optimizatzeko. Besteak beste, analitika aurreratuko proiektuak eta datuak analizatzeko teknikak gauzatzen ditu egoerak denbora errealean definitzeko eta etorkizuneko jokabideak iragartzeko. Horrez gain, “machine learning” tekniken bidez, iragarpenak egiten ditu atzeraelikatzen den eta informazio berriarekin hobetzen den datu-sorta batetatik abiatuta.

uztaila 4, 2018

Data Value Management

Web orria bisitatu

Data Value Management sektore guztietako enpresen digitalizazioan eta modernizazioan espezializatutako enpresa bat da. Horretarako, enpresak dituen datuak analizatu eta datu horien balioa ateratzen du.

apirila 26, 2019

Datu(a)

Web orria bisitatu

Enpresak datuen inguruan eraberritzen laguntzen du Datu(a)-k, horrela, etorkizuneko enpresak sortzeko. Horretarako datuaren balorizazioaren kate osoa hartzen duten proiektuak egiten dituzte, honakoei helduz: aholkularitza-prozesuak, definizioa (zergatik, zertarako eta nola), martxan jartzea eta bezeroari laguntzea. Datu(a)-ren aktibo nagusia honako hau da: analitika aurreratuko eredu eta teknika aproposenak definitzea eta martxan jartzea datuen balioa ustiatzeko, hau da, bezeroen operatibak eta prozesuak ezagutzeko, segmentatzeko, sailkatzeko, antzemateko, aurreikusteko eta optimizatzeko. Hori guztia bezeroarekiko foku nagusia galdu gabe, eta datuen analitika negoziora zuzentzeko beharrari erantzunez. Ildo horretatik, Datu(a)-k hainbat sektoretako proiektuetan aplikatzen du bere ezagutza, besteak beste, finantza-sektorean, txikizkako merkataritzan, osasunean eta industrian. Datuen ustiapenean espezializatutako enpresa bat da Datu(a), eta Merkatu Smart Digital taldearen baitan dago.

ekaina 11, 2018

Deusto Sistemas

Web orria bisitatu

Deusto Sistemas enpresak teknologia eta berrikuntza zerbitzuak eskaintzen ditu 2002. urteaz geroztik. Gure eginkizuna da 4.0 industriari lotutako lau arloren inguruan irtenbide zientifiko teknikoak ezartzea, zeinetan erreferente argi bat izan nahi dugun:  indoor lokalizazioa, gauzen Internet (IoT), errealitate areagotua eta datu-meatzaritza. Gure lorpenen artean, nabarmentzekoak dira 4.0 industriari laguntza emateko testuinguru-sistema eta 4.0 industria mantentzeko sistema holografikoa.

uztaila 10, 2018

Geograma

Web orria bisitatu

Geograma izeneko enpresa GIS eta Location Intelligence teknologietan oinarritutako irtenbide geografikoen garapenean espezializatuta dago, sektore industrialaren eraldaketa digitala sustatzeko balio dutenak. Euren prozesuak hobetu nahi dituzten enpresa industrialei laguntza ematen diegu, adimen geografikoa erantsiz. Pertsonen edo objektuen “kokapena” monitorizatzen dugu (sentsore edo gailu finkoak edo mugikorrak), bai ingurune irekietan (outdoor) bai itxietan (Indoor Mapping – barruko mapak) eta beste datu batzuk ustiatzen ditugu (tenperatura, tamaina, hezetasuna, masa, eta abar) datuokin ezagutza sortzeko.

azaroa 19, 2018

Ibermatica Industria

Web orria bisitatu

Ibermática Industrian ingenieritzako, ERP, MES eta azpiegitura teknologikoko soluzioen integrazio eta inplementazioan adituak gara. Ikuspegi orokor batekin, ingenieritzatik fabrikazioraino dagoen prozesu guztia biltzen dugu, empresa industrialaren baliabideak maximizatu eta bere Industria 4.0rako bidean lagunduz. Enpresen transformazio digitalean, gure soluzioek digitalizazio integratu eta segurua, fabrikazio eta prozesu digitalen automatizazioa eta smartizazioa dakarte

uztaila 15, 2019

Kai Marketing Lab

Web orria bisitatu

Publizitate zientifiko digitalean espezializatutako enpresa bat da Kai Marketing Lab. KAIBOT izeneko marketin digitaleko tresna garatu du, zeinak adimen artifizialeko teknologiak aplikatuz eta analisi-sistemak integratuz, datuak modu bateratuan integratuz eta prozesuak automatizatuz, industria munduaren barruko salmenta- eta merkataritza-sailen eraldaketa digitala ahalbidetzen duen.

ekaina 11, 2018

Karten Space

Web orria bisitatu

Datu eta analitika espazialeko enpresa bat da Karten Space. Satelite-irudiak prozesatuz eta analizatuz balio erantsi handiko informazioa sortzen dugu gure bezeroei erabakiak hartzeko prozesuan lagundu ahal izateko. Gure planetan gertatzen diren jardueren metrikak eta patroiak ateratzen, identifikatzen, karakterizatzen, monitorizatzen ditugu. Horretarako, gure nanosateliteen konstelazio propioa garatzen dugu, lurreko eta itsasoko gainazalaren irudiak eskuratzeko.

ekaina 29, 2018

Lantek Sheet Metal Solutions

Web orria bisitatu

Profilak, hodiak eta txapazko piezak fabrikatzen dituzten enpresen eraldaketa digitalari dagokionez, 4.0 industriarentzako irtenbideak ematen dituen enpresa nagusietako bat da Lantek Sheet Metal Solutions. 1986. urteaz geroztik Lantek merkatuko liderra da eta Araban garatzen ditu produktuak. Lantalde komertzial eta tekniko zabal bat jartzen du bezeroen esku (21.000 baino gehiago). Lantalde horiei esker, marka desberdinetako makinak eta ekoizpen-metodo oso bestelakoak dituzten metalaren arloko enpresentzako funtsezko elementua eta kide teknologikoa da Lantek.

ekaina 16, 2018

LIS Solutions

Web orria bisitatu

LIS Solutions logistika-ingeniaritza bat da eta hornidura-katearen datuen inguruko analisi aurreratuan espezializatuta dago: ekoizpena, erosketak, logistika, garraioak...

ekaina 11, 2018

Meteo for Energy

Web orria bisitatu

Meteo for Energy enpresak produktu berritzaileak garatzen ditu energia berriztagarrien instalazioetan energia (eolikoa, fotovoltaikoa eta eguzki-energia termikoa) ekoizteko kudeaketa hobetzeko. Adimen artifizialean eta optimizazio-algoritmoetan oinarritutako teknika aurreratuak erabiltzen ditugu, energia berriztagarriaren errendimendua, mantentze-lanak eta operazioak hobetu eta optimizatzeko. Sektore energetikoaren, meteorologiaren eta teknologia berrien arloan daukaten jakintzari esker, in situ energiaren eredu berriaren baitan aldaketarako eragile bat izan nahi dute.

ekaina 16, 2018

Natural Vox

Web orria bisitatu

Natural Vox enpresak hizketa-teknologiei lotutako proiektuak eta zerbitzuak garatzen ditu: elkarrizketa automatizatutako proiektuak IVR, chatbot, transkribapen automatikoak, aholkularitza eta kontaktu zentroentzako elkarrizketa-analitikak…

ekaina 11, 2018

Odei S.A.

Web orria bisitatu

Arabako Odei enpresak 30 urte bete ditu Informazioaren eta Komunikazioaren Teknologien sektorean, eta IKTak industriara eramatearen alde egiten du, transformazio digitaleko prozesuetan; horretarako, hainbat soluzio eskaintzen dizkie enpresei, hala nola ERP softwarea ezartzea. Halaber, 4.0 industrian hornitzaile ere bada, datuen analitika aurreratuko, analitika prediktiboko zerbitzuei edo Big Data arkitekturei dagokienez.

apirila 26, 2019

Omron

Web orria bisitatu

Omron automatizazio industrialeko enpresa liderra da. Hautemate eta kontrolerako gaitasun teknologiko nagusiak aprobetxatzen ditu merkatuari eskaintza erabatekoa helarazteko: kontrol-gailuak, osagai elektronikoak, automoziorako osagaiak, elektromedikuntza eta ingurumena. 4.0 industriarako gure irtenbideak estandarretan oinarrituta daude (IO-Link / OPC UA / MQTT) eta honako arlo hauek hartzen dituzte: adimen artifiziala, segurtasuna, trazabilitatea eta robotika. Gainera, intralogistikako aplikazioetarako robotika kolaboratiboko eta mugikorreko irtenbideak ematen dituzte.

ekaina 11, 2018

Optimitive

Web orria bisitatu

Optimitive software aurreratua garatzen eta mantentzen duen enpresa bat da, eta alor horri lotutako zerbitzuak ematen ditu, prozesu industrialak eta eraginkortasun energetikoa denbora errealean hobetzeko. Teknologia eta produktu propioak garatzen ditugu, ondasunak ekoizten dituzten enpresen kezka eta interesen gainean daukagun ezagutza sakonean oinarrituta. Halaber, hogei urte baino gehiago daramatzagu adimen artifizialeko algoritmo aurreratuekin lan egiten, gure produktuen oinarri direnak.

urtarrila 28, 2019

Oreka IT

Web orria bisitatu

Oreka IT enpresak Business Intelligence eta Analitika Aurreratuko sistemak ezartzen ditu SAP teknologian oinarrituta; horien bidez, kudeaketa-sistemetatik nahiz kanpoko iturrietatik jasotako enpresari buruzko informazioa aztertzen dute. Informazio horren tratamenduari eta ustiapenari esker aginte-taulak, txostenak eta adierazleak sortzeko sistemen integraziorako osagarriak eta prozesuak hobetzen dira, horrela, kudeaketa kontrolatzea nahiz erabakiak hartzea erraztuz, bai eguneroko lanean, bai epe luze eta laburreko estrategiak zehazterakoan.

ekaina 11, 2018

Wind Recycling

Web orria bisitatu

Wind Recycling enpresak parke eoliko eta eguzki planta fotovoltaikoak mantentzeko ingeniaritza irtenbideak eskaintzen ditu. Mantentze eta operazio datuak bildu eta analizatu ostean (SCADA, akats-tasak, erabilgarritasuna, ekoizpena, ordezko piezen kontsumoak, aktiboen egoera...), energia berriztagarria ekoizteko zure instalazioa mantentzeko irtenbiderik onena diseinatzen dugu.